PARACELSUS Philippus Aurelius Theophrastus Bombastus

PARACELSUS Philippus Aurelius Theophrastus Bombastus

natus in paog Hohenheim, vel Einsideln, ditionis Tigurinae. Sollicite educatus a Patre, qui ICtus et filius nothus Principiscuiusdam erat, ad Medicum studium se mature applicuit, profectioneque in Galliam, Hispaniam, Italiam, et Germaniam institutâ, multum prosundae eruditionis fibi conciliavit. Reversus in Helvetiam, Basileae docuit, Chymicamque faciens Medicinam, famam sibi magnam comparavit. Offensus a Iudice, qui ob Ioh. Lichtenfelsium Canonicum exspectatione omnium citius sanatum, eum consuerô salariô, licet ipsi longe amplius ab aegro promissum esset, contentum esse iussit, in Alsatiam se recepit. Ordinariâ medendi ratione omissâ, Galenôque spretô, Medicorum odium in se concitavit, nec Theologiae quidem parcens, in aliquot errores prolapsus dicitur, Opera eius XI. voluminib. habentur, cum titulo Opera Medico-Chymica sive Paradoxa. Obiit, A. C. 1541. Aetat. 48. cum ipse vi arris suae aliis saecula promisisset, Salisburgi sepultus: Scriptor pluribus oppugnatus, quam intellectus, Tycho. Vide Voss. de Philos. c. 9. §. 2. Quen stedt. de patr. doct. Crassum, Elog. Litterat. Melch. Adami Vit. Medicor. Mich. Neandrum in Georg. Ant. Teissrer Elog. part. 1. Alios. De eo varia

Eruditorum iudicia. Sennertus l. de causis et differ. c. 14. Caput, inquit, et cauda fonsque operationum Magicarum et cardo, in qua Magia totus Crollius est, et quam recentiores non pauci sectantur ac clam propagant ac non nisi iis qui his sacris digni videntur per manus tradunt, est falsa ista de imaginationis viribus opinio. Horum omnium Pater et Princeps Theothrastus Paracelsus est, cuius Philosophia peccat magnâ praeceptorum ἀμεθοδίᾳ, terminorum et phrasium insolentiâ: qui omnibus bonis Artibus quasi bellum indixit. Narrat enim de eo et Seb. Franck in Chron. ipsum scripta Avicennae in publico foro Basileae combussisse. Medicorum tamen non pauci cum magni aestimant. Mich. Barth. apud Scholtzium Epist. Medic. 80. Ego de ipso Theophrastopraeclare sentio: admiranda praestitit: sed qui eum perfecte intelligat et quae ipse fecit faciat, nondum audivi. Henr. Smetius Miscell. Medic. l. 5. Ego sane Paracelsum laboriosum industriosumque rerum abstrusarum indagatorem multaeque peritiae Virum libenter agnosco, atque in pharmacorum praeparativa admirandum: verum scientiae solidioris parum, methodi nihil, oris tamen quamplurimum habere. P. Melissus in Basilicam Crollii,

Quis non Aureoli Theophrasti dia reperta

Ingeniumque saegax et mirum praedicet ignem,

Quô praeeunte artes Chrymici didicêre novellas,

Quô monstrante aegri curantur simplice gutta.

Vide Georg. Hornium Histor. Philos. l. 6. c. 11.